Zer da ziurtagiri elektronikoa?

Ziurtagiri elektronikoa datu multzo bat da, eta ziurtagiriaren titularra identifikatzeko eta beste pertsona edota erakunde batzuekin informazioa trukatzeko balio du, guztia ere modu seguruan. Era berean, dokumentuak elektronikoki sinatzeko aukera ematen du, eta bidaltzen diren datuen osotasuna eta jatorria ziurtatu egiten dira.

Zer ziurtagiri elektroniko aitortzen ditu Espainiako Estatistika Erakundearen egoitza elektronikoak?

Jarraian ematen den estekan @firma plataformaren aurkako kontsulta bat abiaraztean gaur egun balioztatu daitezkeen ziurtagiri guztiak aurki daitezke. Kontuan izan behar da Plataforman sartutako ziurtagiriek, gaur egun PAEn eskuragarri dagoen “@firman egindako ziurtagirien tratamendua” dokumentuan deskribatutako prozedura bete dutela (http://administracionelectronica.gob.es), eta egun ezarrita dauden ziurtagiri-motetako batean sailkatuta daudela.
Plataforma horrek onartutako zerbitzu-emaileen zerrenda osoa lortzeko, joan @firma ziurtapen-zerbitzuen hornitzaileen dokumentura.

Nola lortzen da ziurtagiri elektronikoa?

Ziurtagiri elektronikoa lortzeko kudeaketak ziurtagirien autoritate batek egin behar ditu, ofizialki errekonozituta dagoen batek, hain justu. Aurreko atalean ziurtagiriak ematen dituzten erakundeetara joateko estekak dauzkazue; bertan, ziurtagiriek nola funtzionatzen duten eta lortzeko zer egin behar den dago zehaztuta.

Zer berme eskaintzen ditu ziurtagiri elektronikoak?

Ziurtagiri elektronikoak honako berme hauek eskaintzen ditu:

• Informazioa trukatzeko parte hartzen duten pertsonen eta erakundeen egiazkotasuna.
• Konfidentzialtasuna: informazioa bidaltzaileak eta hartzaileak bakarrik ikustea.
• Trukatutako informazioaren osotasuna, manipulaziorik ez dela izango ziurtatuta.
• Gaitzespen eza, ziurtagiriaren titularrari bermatzen dio beste inork ezin duela ziurtagiriarekin lotutako sinadura sortu, eta sinatu dituen mezuetan titulartasuna ukatzeko aukera ere kentzen du.

Zertarako balio du ziurtagiri elektronikoak?

Espainiako Estatistika Erakundeak aitortutako ziurtagiri elektronikoekin, kontsultak eta kudeaketak egin ahal izango dituzu.

Ziurtagiri elektronikoak honetarako balio du:

• Erabiltzailearen nortasuna ziurtatzeko, modu elektronikoan hirugarrenen aurrean.
• Elektronikoki sinatzeko, hala, igorritako datuen eta jatorriaren osotasuna bermatu ahal izango da. Sinatutako dokumentu bat ezin daiteke manipulatu; izan ere, sinadura matematikoki kidetuta dago bai dokumentuarekin, bai sinatzailearekin.
• Datuak zifratzeko, dokumentuaren hartzaileak bakarrik ikusi ahal izan dezan edukia.

Hatz markak eta sinaduraren estandarra

Hauek dira sinadura elektronikorako onartutako formatuak:

• PKCS#7
• CMS (IETF1ek zehaztutako bertsio guztiekin bateragarria)
• XMLSignature oinarrizkoa
• XMLSignature aurreratua (XAdES)
• CMS aurreratua (CAdES)

Erregistroaren egiaztagirian aurkeztu diren artxiboen hatz marka txertatzen da. Hatz-marka hau sortzeko, SHA-1 erabiltzen da.

Kode maltzurrak

Aurkeztutako fitxategiek kode maltzurren bat izanez gero, artxibo hori ez dela aurkeztuko hartuko da kontuan prozedurak izapidetzeko garaian.