Gehiago jakin

Zer ordainketa mota egin daiteke?

Honako kontzeptu hauetarako egin daitezke transferentzia bidezko ordainketa telematikoak:

• Estatistika betebeharrak ez betetzeagatik ezarritako zigorrak ordaintzea.
• Argitalpenen erosketa, harpidetzak eta datu estatistikoen eskaera bereziak.
• EINen jabetzakoak diren ondasun higigarriak edo higiezinak erostea edo alokatzea.
• Erakunde publikoekin edo pribatuekin eginiko lankidetza hitzarmenak eta kontratuak ordaintzea.
• Aurreko ataletan aurreikusi ez diren beste kontzeptu batzuk.

Zein baldintza bete behar dira ordainketa egiteko?

Ordainketa zordunketa kontu korrontean

BBVA bankuan saldo nahikoa eta egungoa duen kontu baten titularra izatea

Ordainketa kreditu txartelarekin

Izan Visa edo MasterCard kreditu txartela.

Zer epe dauka erabiltzaileak ordainketa egiteko?

Ordainketa "online" bat da, zeinetan funtsen transferentzia zure ordainketa-aginduaren ondoren gertatzen den.

Eskabiderik egin behar al da administrazioak ordainketa onartzeko?

Ez da aldez aurretik eskaerarik behar.

Ba al dago hanka-sartze baten ondorioz ordaindutako zenbatekoak berreskuratzeko edo ordainketak itzultzeko aukerarik? Zer prozedura jarraitu behar du erabiltzaileak?

Balizko itzulketak EINen Idazkaritza Nagusiari eskatu beharko dizkio erabiltzaileak. Dirua itzultzeko eskaerek honako datu hauek izan beharko dituzte:

• Eskatzailearen identifikazioa.
• Eskaera bultzatu duten gertakari eta arrazoien azalpena.
• Dirua itzuli behar den bezeroaren Kontu Korrontearen Kodea. Estatuko Administrazio Nagusiaren obligazioak ordaintzeko prozedura arautzen duen ekainaren 19ko PRE/1576/2002 Aginduan ezarritakoaren arabera, kontu horrek altan emanda egon beharko du Hirugarrenen Fitxategi Zentralean.
• Eskaeraren oinarri diren gertakarien dokumentu bidezko justifikazioa. Bereziki, eragiketa ordaindu izanaren jatorrizko egiaztagiria eta haren fotokopia erkatua aurkeztu beharko ditu.