Estatistikako Institutu Nazionalaren egoitza elektronikoa zure datuen segurtasunaz arduratzen da, eta datuen konfidentzialtasuna, osotasuna, trazabilitatea, benetakotasuna eta erabilgarritasuna bermatzeko beharrezkoak diren neurri teknikoak eta antolakuntzakoak hartzen ditu.
Gogoan izan zuk ere lagun dezakezula segurtasun hori bermatzen, segurtasuna denon kontua baita. Horretarako, gorabehera posibleak saihesteko kontuan hartu beharreko alderdi batzuk gogorarazten dizkizugu.
Informazio pertsonalerako sarbidea
Kontuan izan zure informazio pertsonala Egoitza elektronikoaren bidez eskuratzeko, norberaren izenean edo horretarako gaitutako ordezkaritzaren bidez baino ezin dela egin.
Atzipen hori egin ahal izateko, horretarako gaitutako autentifikazio-baliabideak erabili behar dira.
Kautotze-bide horietako kredentzialen bat agerian geratu dela ikusten baduzu, kredentzial hori baliogabetzea eta berri bat lortzea gomendatzen dizugu, bai eta gertaera polizia-agintaritza eskudunen aurrean salatzea ere.
Nola baliogabetu ditzaket nire kredentzialak?
Konprometituta egon daitekeen autentifikazio-baliabidearen arabera, honela baliogabetu ditzakezu zure kredentzialak:
- Ziurtagiri elektronikoa: jarri harremanetan zure ziurtagirien hornitzailearekin, baliogabetzea eskatzeko.
- Cl@ve: Cl@ve sisteman datuak berrikustea gomendatzen da, zuzenak direla egiaztatzeko. Baliogabetu behar izanez gero, Cl@ve-ren uko egiteko orrian (https://clave.gob.es/clave_Home/registro/Renuncia.html) edo mugikorretarako Cl@ve aplikazioko "Cl@ve-ko nire datuak" atalean zehaztutakoaren arabera baliogabetu dezakezu.
Zibersegurtasunari buruzko informazio eta euskarri gehiago nahi izanez gero, kontsultatu INCIBEren laguntza-zerbitzua: https://www.incibe.es/linea-de-ayuda-en-ciberseguridad