Zigor-prozedura, maiatzaren 9ko 12/1989 Legeak, Funtzio Estatistiko Publikoari buruzkoak, xedatutako obligazioak ez betetzeagatik

Espainian bizi diren bertako zein atzerriko pertsona fisiko zein juridikoak zigortzeko ezarritako prozedura da, hain zuzen ere derrigorrez eman beharreko informazioa ez emateagatik; edo benetako informazio zehatz edo osoa ez emateagatik, edo informazio hori horretarako xedatutako epetik kanpo emateagatik.

Informazio hori ematea epea amaitu, eta interesatuak, denboran eta forman, eskatutako datuak eman ez baditu; administrazio-unitate eskatzaileak berriro eskaera egingo dio interesatuari, jakinarazpen berri baten bitartez, betiere interesatuak hura jaso duela egiaztatzeko modu batean. Jakinarazpen horren bitartez, araudian zehaztutako eskakizuna betetzeko hamabost eguneko epea emango zaio interesatuari, jakinarazpena egiten den egunetik zenbatzen hasita. Halaber, eskaera hori zehaztutako baldintzetan ez betetzean sor daitezkeen arau-urratze eta zigorrak zein diren azalduko zaio argi eta garbi.

Hamabost eguneko epea igaro, eta interesatuak ez badu eman eskatutako informazioa, inkesta kudeatzeko ardura duen Administrazio Unitateak organo eskudunari bidaliko dizkio aurrekariak, azken horrek zigor-prozedura abian jarri dezan.

1. Zigor-prozedura irekitzeko erabakia. Interesatuak erabaki horren aurkako alegazioak aurkeztu ahal izango ditu, hamabost laneguneko epean.
2. Zigor-ebazpen proposamena. Interesatuari berriro ere alegazioak aurkezteko aukera ematen zaio.
3. Zigor-ebazpena. Ebazpen horrek administrazio bidea agortzen du, eta hautazko aukera gisa, interesatuk berraztertze-errekurtsoa aurkeztu ahal izango du ebazpen horren aurka, hilabeteko epean. Halaber, administrazioaren aurkako errekurtsoa aurkeztu ahal izango du, ebazpen hori jakinarazi eta bi hilabeteko epean.

Izapide hauetako edozein egin daitezke:

1. Zigor-espedienteen barne dauden dokumentuak kontsultatu.
2. Prozedura-fase ezberdinetan alegazioak eta errekurtsoak aurkeztu.
3. Jarritako zigorren ordainketa telematikoa egin.

Goiko izapideetatik edozein ordezkari baten bidez egin daiteke, Administrazio Publikoen Administrazio Prozedura Erkideari buruzko urriaren 1eko 39/2015 Legearen 5. artikuluan aurreikusitako ondorio eta betekizunekin.

Ordezkaritza hori INEren aurrean egiaztatu beharko da, zuzenbidean baliozkotzat jotzen den edozein frogabide fidagarri erabiliz, edota interesatua organismoko egoitzara bertaratuz, edo bulego elektronikoaren bitartez. Ordezkaritza ahalmena eman ondoren, ordezkariak ardura izango du interesatuaren aurka hasitako edo hasiko diren zigor-prozeduren barne dauden jarduerak egiteko, interesatuak ordezkaritza hori zehazki indargabetzen ez duen bitartean.

Estatistika betebeharrak ez betetzeagatik jarritako zigorrak ordaintzeko aukera ematen da webgunean, eta ordainketa hori egiteko, kontu korronte batean kargua egiten da.

Era horretan egindako edozein ordainketen ordainagiria edozein momentutan kontsultatu edo berriz inprimatu ahal izango da.

Kontu korronteko kargu bidezko ordainketa

• Ordainketak modu seguruan egingo dira, Red.es ordainketa-pasabidearen bitartez.
• INEren Ordainketa Telematiko Zerbitzua erabiliz, Red-es Enpresa Erakunde Publikoari baimena ematen diozu, INEko Ordainketa Telematikoko Zerbitzuan izaera pertsonaleko datuen fitxategiei tratamendua emateko erakunde arduradun gisa, zure ordainketa-aginduan ageri diren datu pertsonalak atzitu, eta agindu hori sinatu ondoren, datu horiek ordainketa egin behar duen finantza-erakundeari elektronikoki bidal diezazkion.
• Sistema horren bitartez ordainketa egiteko, honako finantza-erakundeetako batean kontu korronte bateko titularra izan beharko da interesatua: BBVA.
• Ordainketa-eskaerak bezeroak sinatu beharko ditu, horretarako @Firma bezero appleta erabiliz.
• Sinaduraren ziurtagiria ez bada appleterako balioduna, appletari buruzko dokumentazioa egiaztatu @Firman.

Aurkeztutako fitxategiek kode maltzurren bat izanez gero, artxibo hori ez dela aurkeztuko hartuko da kontuan prozedurak izapidetzeko garaian.