Reclamación aos datos de inscrición no censo electoral con referencia ao censo pechado ao día primeiro de cada mes.
Forma de acceso
Pode acceder acreditando a súa identidade mediante o sistema Cl@ve.
Descrición da funcionalidade
O censo electoral contén a inscrición de quen reúne os requisitos para ser elector e non se atope privado, definitiva ou temporalmente, do dereito de sufraxio.
O censo electoral, agás o censo que se forma para cada elección municipal cos inscritos de países con Acordos de reciprocidade de voto, é permanente e actualízase mensualmente de oficio (sen ter que solicitalo) coa información recibida de oficio dos Concellos, as Oficinas Consulares, dos encargados do Rexistro Civil e coas reclamacións ao censo electoral que resulten estimadas.
O censo electoral pechado o día primeiro dun mes inclúe as variacións enviadas á Oficina do Censo Electoral ata o penúltimo día do mes anterior e tramitadas ese mes.
IMPORTANTE:
Os trámites de presentación de reclamacións a través da Sede Electrónica son distintos segundo se refiran ao censo pechado o día primeiro dun mes ou ao censo vixente para unhas eleccións.
As reclamacións ao censo vixente dunhas eleccións NON poderán ser formuladas mediante este trámite.